نړۍ ده حیرانه،
سره له دې چې په لاسو یې دي یوازې ډبرې
خو ډیوه یې روښانه تروږمه کې
زېرى یې ورکړی
مقاومت یې کړی
منفجر د بم په شان
شهیدان دي
خو موږ د قطبی یږو په څېر،
چې د یخنۍ وړاندې یې
پوستکی کلک شوی
لا کنګل یوو.
زموږ پر ځای وجنګېدل،
په ځمکه ولوېدل
موږ بېغمه ناست قهوه خانو کې
قهوه
مو څښله مزو کې
دا یو لالهانده سوداګرۍ کې
دا بل د میلیاردو ډالرو په لټه
هغه بل د څلورم واده، د مرمرینو سینو په هڅه
یو په لندن کې ګرځي اسمانڅکو ماڼیو پسې
بل سرګردانه د وسلو سوداګرۍ پسې
یو ډیسکو کې اخلي له خپل سیاله غچ
بل د پوځ او حکومت د تاج او تخت په لټه.
آه...
د خیانتونو نسله
د پیسه پالنې نسله
بېکاره نسله
هرځایي نسله
که تاریخ هر څومره پڅ ودرومي
یو ورځ به ډبر ویشتونکي ماشومان
پر
تاسې جوړ کړي د لغتو باران
نزار قباني